Apple Watch နဲ့ Apple TV တွေကို ဘာကြောင့် iWatch, iTV လို့မခေါ်တာလဲ
Apple ကသူတို့ရဲ့အဓိက Product နဲ့ Service တွေမှာ iPhone, iPad, iPod, iMac, iTunes, iBooks ဆိုပြီးနာမည်မှာ i နဲ့စလေ့ရှိပါတယ်။ ရှေ့ဆုံးက i အသေးက Apple ရဲ့ Trademark တစ်ခုလိုဖြစ်နေပါတယ်။ ဒါပေမယ့် Apple Watch နဲ့ Apple TV တွေမှာတော့ iWatch, iTV လို့နာမည်ပေးခွင့်မရခဲ့ပါဘူး။ အခြား company တွေကအရင်မူပိုင်တင်ပြီးသားဖြစ်နေလို့ပါ။
Apple
က
Smartwatch တွေစမထုတ်ခင်
၃ နှစ်အလို ၂၀၁၂ ခုနှစ်မှာ OMG Electronics အမည်ရတဲ့ company က
iWatch ဆိုတဲ့နာမည်ကိုမူပိုင်တင်ဖို့လျှောက်ထားခဲ့ပါတယ်။
OMG တစ်ခုတည်းမဟုတ်ပါဘူး
M.Z. Berger & Co ကလည်း ၂၀၀၇ ခုနှစ်တည်းက ဒီနာမည်ကိုမူပိုင်တင်ဖို့လျှောက်ထားခဲ့ပါတယ်။
ဒါပေမယ့် နာမည်ကျော် ဆွစ်နာရီ Brand တစ်ခုဖြစ်တဲ့ Swatch ကသူတို့မှတ်ပုံထားတဲ့ iSwatch နဲ့ ရှုတ်ထွေးမှုများရှိနိုင်တယ်ဆိုပြီး ဒီအဆိုကိုအောင်မြင်စွာကန့်ကွက်နိုင်ခဲ့ပါတယ်။
ဒါပေမယ့် ၂၀၀၈ ခုနှစ်မှာတော့ Probendi software studio က iWatch နာမည်ကို EU မှာအောင်မြင်စွာမူပိုင်တင်နိုင်ခဲ့ပြီးနောက် EU နိုင်ငံတွေမှာမည်သည့် Product ကိုမဆို iWatch နာမည်နဲ့ရောင်းချခွင့်မပြုဘူးလို့ကြေညာခဲ့ပါတယ်။
အခြားသောနိုင်ငံတွေမှာလည်း iWatch အမည်နဲ့ company အမြောက်အများက မူပိုင်တင်ထားပြီးဖြစ်ပါတယ်။
ဒါကြောင့် Apple အနေနဲ့ 2015 ခုနှစ်မှာထွက်မယ့် စမတ်နာရီတွေကို
iWatch လို့နာမည်ပေးဖို့ ၂ နှစ်ခန့်ကြိုးစားခဲ့ပေမယ့် အောင်မြင်မှုမရခဲ့တာကြောင့်
Apple Watch နာမည်နဲ့ထုတ်လုပ်ခဲ့ရပါတယ်။ နာမည်ကြောင့်ရောင်းအားကိုတော့
သက်ရောက်စေမှမဟုတ်ဘူးလို့ဆိုခဲ့ပါတယ်။
Apple TV လည်းထိုနည်း၎င်းပါဘဲ iTV နာမည်နဲ့ထုတ်လုပ်ဖို့စီစဉ်ခဲ့ပြီးမှ UK ရုပ်သံလိုင်း ITV မှကန့်ကွက်တာကြောင့်အသုံးပြုခွင့်မရခဲ့ဘဲ Apple TV အနေနဲ့သာထွက်ရှိလာပါတယ်။
Apple နဲ့ i ဖြစ်ပေါ်လာပုံကတော့
1990 ပြည့်နှစ်လွန်တွေမှာ Apple company ကအကြပ်အတည်းတွေရဲ့ရင်ဆိုင်နေရပါတယ်။
ဒါကြောင့် 1997 ခုနှစ်အရောက်မှာ NeXT Company မှာအောင်မြင်နေတဲ့ CEO ဟောင်း Steve Jobs ကိုပြန်ခေါ်ခဲ့ပါတယ်။ တစ်ကြော့ပြန် Apple ရဲ့ပဲ့ကိုင်ရှင်ပြန်ဖြစ်လာပြီးနောက်တစ်နှစ်အကြာမှာ
iMac ကိုထုတ်လုပ်နိုင်ခဲ့ပါတယ်။ (ဒီနေရာမှာ i က Internet ကိုကိုယ်စားပြုတာပါ) ။
First Generation iMac ကအောင်မြင်မှုများစွာရရှိခဲ့ပြီး ကျရှိန်ပြင်းနေတဲ့
Apple ကိုချောက်ကမ်းပါးကနေကယ်နိုင်ခဲ့ပါတယ်။ ဒါကြောင့်နောက်ပိုင်းထွက်တဲ့
ထုတ်ကုန်တော်တော်များများမှာ i အသေးကိုရှေ့ကထည့်ခေါ်ခဲ့ပါတယ်။ Apple ရဲ့အောင်မြင်မှုမှတ်တိုင်တစ်ခုလိုဖြစ်တဲ့ i စာလုံးကို Apple Watch နဲ့ Apple TV တွေမှာသုံးခွင့်မရခဲ့ပါဘူး။
မည်သို့ပင်ဆိုစေကာမူ Google မှာ iWatch လို့ရိုက်ရှာရင် Apple Watch များသာထွက်လာမှာဖြစ်ပါတယ်။ တရားဝင်နာမည်ပေးခွင့်မရခဲ့ပေမယ့်
ကျွန်တော်တို့အားလုံးရဲ့ရင်ထဲက iWatch ကတော့ Apple Watch ဘဲဖြစ်ပါတယ်။
Swan Htet Paing